دوشنبه, 07 شهریور 1401 06:00

ئەندامی دەستەی سەرۆکایەتی ژووری بازرگانی ئێران ڕایگەیاند:پێویستی داڕشتنی پلانی پاش ڕێکەوتنی ناوەکی

Written by
Rate this item
(0 votes)

ئەندامی دەستەی سەرۆکایەتی ژووری بازرگانی ئێران جەختی لە سەر ئەوە کردووە کە دەبێت پلانێک بۆ قۆناغی پاش واژۆکردنی ڕێکەوتنی دووەمی ناوەکی لەم وڵاتەدا ئامادە بکرێت.
کەیوان کاشفی ڕایگەیاند کە بە زیندووکردنەوەی ڕێکەوتنی ناوەکی دوو ڕووداوی گرنگی ئابوری لە ئێراندا ڕوو دەدات و وتی: یەکەم لێکەوتەی زیندووکردنەوەی ڕێکەوتنەکە دابینکردنی کەشێکی گونجاوە بۆ سەرمایەگوزاری دەرەکی.
سەرۆکی ژووری بازرگانی و پیشەسازی کرماشان وتی کە دووەم لێکەوتەی زیندووکردنەوەی ڕێکەوتنی ناوەکی ئەوەیە کە بە گەڕانەوەی سەرچاوە داراییەکانی حکومەت لە وڵاتانی دیکە و دەستەبەرکردنی گەڕانەوەی داهاتی فرۆشتنی نەوت، حکومەت دەتوانێت یارمەتیدەری دۆخی ئابوری وڵات بێت.
کاشفی کەشی ئەرێنی ئابوریی وەبیر هێنایەوە کە لە چاوەڕوانی زیندووکردنەوەی ڕێکەوتنی ناوەکیدایە و وتی کە لە ئێستاوە دەبێت بۆ کەڵک وەرگرتنی شیاو لەو هەلومەرجە پلانی تایبەتمان هەبێت.

Read 159 times

Leave a comment

Make sure you enter all the required information, indicated by an asterisk (*). HTML code is not allowed.