پنج شنبه, 10 آذر 1401 10:32

هەناردەی ئێران بۆ سوریا دەگاتە 300 ملیۆن دۆلار

Written by
Rate this item
(0 votes)

سەرۆکی ژووری هاوبەشی بازرگانیی ئێران و سوریا وتی کە هیوادارین هەناردەی ئێران بۆ سوریا ئەمساڵ بگاتە 300 ملیۆن دۆلار و دەبێت بەرەو هاوردە لە سوریاوە هەنگاو بنێین تا هاوسەنگی لە ئاڵوگۆڕە بازرگانییەکانی نێوان هەر دوو وڵات مسۆگەر ببێت.

کەیوان کاشفی بە ئاماژە بە گۆڕانکارییەکانی ساڵی 2011 ی سوریا وتی: ئەم گۆڕانکارییانە کاریگەرییەکی زۆری لە سەر کەرتی ئابوریی سوریا داناوە و سوریا پێش ڕووداوە ناوخۆییەکان لە بوارە جیاجیاکانی وەک وەبەرهێنان، گەشتیاری و .... زۆر چالاک و ئابورییەکی بەهێزی هەبووە.

بە وتەی ناوبراو، سوریا لانیکەم تا 20 ساڵی داهاتوو لە بواری بیناسازی و ئاوەدانکردنەوە دەرفەتی کارکردنی هەیە و ئەمەش دەرفەتێکی گرنگە بۆ کۆمپانیا ئێرانییەکان.

سەرۆکی ژووری هاوبەشی بازرگانیی ئێران و سوریا ڕایگەیاند کە بە هاوکاری کۆمپانیا ئێرانییەکان پرۆژەکانی وەک وێستگەکانی وزە، کارگەی ئارد، سایلۆ، پرد و ڕێگاوبان لە سوریا دەستیپێکردووە.

وتیشی کە دوو کۆمپانیای وەبەرهێنەری ئۆتۆمبێلی ئێرانی بە ناوەکانی ئێران خودڕەو و سایپا ئەگەرچی خۆشبەختانە لە شەڕدا زیانیان بەرنەکەوت بەڵام بۆ ماوەیەک چالاکییەکانیان ڕاگیراوە و هەوڵ دەدەین دیسانەوە دەست بە چالاکی بکەنەوە.

Read 104 times

Leave a comment

Make sure you enter all the required information, indicated by an asterisk (*). HTML code is not allowed.